Opston - arbeide - schlofejon,
alt widder ne Dach, et es nit zo verston.
Immer datselbe, derselbe Trott,
un dä wunsch dä wäß - ich muß ens he fott.
Erus us d'r Bud - ens Odem holle,
dat es et doch, wat mir Minsche wolle.
Et weed Zick, dat mer uns ens jet besinne,
wie kann mer d'r Hektik jet Jods avjewinne?
Jeschad hät noch keinem, e Päusje zu maache,
jeschad hät noch keinem, met andere zu laache.
Jeder mät et anders, je noh Fazung,
su halde mer uns voum Alldach en Schwung.
Dä ein jöck erus en de Natur
un höllt sich e Schäppche Frischluft pur.
Dä andere hürt Musik order lies e Boch,
wann hä hät widder ens jenoch malooch.
Dä Dritte freut sich tierisch op Sport,
un nevenbei jon och e paar Püncher "fort".
Su deit jeder dat wat am leevsten hä mät,
denn "jede Jeck es anders" m'r en Kölle sät.
Dröm maache mer en Paus und nemmen uns die Zick,
denn de Zick von hück, se kütt nit zorück.
De Zick von hück met all ihrer Sorje
es de jode ahle för uns schon morje.
Dröm - Odem zo holle - ens af un zo,
müsse mer all lihre noh un noh.
Loß mer uns bloß nit dat Levve verdrieße -
loß mer leever all unser Päusjer jenieße!
