Wer rigg esu spät durch Naach und Wind
Et es d'r Vatter met singem Kind;
Hä hät dä Jung wal en singem Ärm,
Hä pack en secher, hä hält en wärm.
Minge Son, wat verstecks de ding Visaasch esu bang?
Lor Vatter d'r Erkünning kütt eraan.
D'r Erlkünning met ener Kron un `nem Schweif.-
Minge Son, dat es ene Nebelstreif.-
"Du leev Kind, kumm und jangk met mir,
Jar schöne Spillcher spille ich met dir;
Manch bunte Blömcher sin an dem Strand,
Ming Mutter hät manch joldich Jewand."
Minsch Vatter, Minsch Vatter, hür doch ens zo
Wat dä Erlkünning versprich mir do;
Sei räuhich, bliev ens janz räuhich mi Kind,
En d'r dürre Blädder säuselt d'r Wind.
"Wills leeve Jung du met mir jonn?
Ming Döchter wade of dich allt lang.
Ming Döchter des Naachs d'r Ringeldanz maache,
Singe, danze und schunkele und söns noch fein Sache."
Minsch Vatter, Minsch Vatter, sühs du nit do,
Erkünnings Döchter sin allt janz noh;
Minge Son, minge Son, ich sin et jenau,
Die ahle Bäum die schinge esu jrau.
"Ich will dich, mich reiz ding schöne Jestalt,
Un bes du nit wellich, su bruchen ich Jewalt."
Minsch Vatter, Minsch Vatter, jetz pack hä mich an!
Erkünning hät mir ei Leid anjedon.
Dem Vatter dem jraus et und hä rigg jeschwind,
En de Ärme hält hä sing ächzend Kind;
De Hoff erreich hä met Möh und Nut.
En singem Ärm dat Kind, et wor dut.
